Eleccións xerais de Suráfrica de 2009

Eleccións xerais de Suráfrica de 2009
← 2004  2014  →
Data	22 de abril de 2009
Tipo	eleccións xerais de Suráfrica
Cargo elixido	400 membro da Asemblea Nacional de Suráfrica
Participación política
23.181.997 17.919.966    77.3٪ 0.57 17.680.729       ?     239.237
Resultado da votación
Congreso Nacional Africano  — Jacob Zuma 11.650.748   65.9٪ 3.79 Membro do Parlamento de Suráfrica 279 → 264 15 Alianza Democrática  — Helen Zille 2.945.829   16.66٪ Membro do Parlamento de Suráfrica 67 Congreso do Pobo  — Mosiuoa Lekota 1.311.027   7.42٪ Membro do Parlamento de Suráfrica 30 IFP  — Mangosuthu Buthelezi 804.260   4.55٪ 2.42 Membro do Parlamento de Suráfrica 28 → 18 10 Demócratas Independentes  — Patricia de Lille 162.915   0.92٪ 0.81 Membro do Parlamento de Suráfrica 7 → 4 3 Movemento Democrático Unido  — Bantu Holomisa 149.680   0.85٪ 1.43 Membro do Parlamento de Suráfrica 9 → 4 5
Causa inmediata de
presidencia de Jacob Zuma

As eleccións xerais de Suráfrica de 2009 realizáronse o mércores 22 de abril de dito ano para escoller os membros de ambas cámaras do vixésimo quinto Parlamento de Suráfrica, en concordancia coas eleccións provinciais. Renováronse os 400 escanos da cámara baixa, a Asemblea Nacional e os 430 membros das nove lexislaturas provinciais, que á súa vez designarían os 90 escanos do Consello Nacional das Provincias, a cámara alta. Tras a renuncia de Thabo Mbeki en setembro de 2008, Kgalema Motlanthe, do Congreso Nacional Africano (ANC), ocupou o cargo de Presidente de Suráfrica. Mais Kgalema Motlanthe non se presentou á reelección para un mandato completo e o candidato oficialista foi Jacob Zuma, presidente do partido desde decembro de 2007. Foron os cuartos comicios desde a instauración do sufraxio universal, é dicir, as cuartas eleccións desde a fin do apartheid.

Nestas eleccións o ANC obtivo outra previsible e esmagadora vitoria, cunha proporción de voto lixeiramente superior a 2004, pero unha porcentaxe inferior, do 65.90%, con respecto ao 69.69% das eleccións anteriores. Ademais, perdeu a maioría cualificada dos dous terzos coa que contaba antes, con 264 asentos, e quedou a tres escanos de renovala. O segundo partido máis votado e a oposición oficial, Alianza Democrática (DA), obtivo o 16.66% dos votos, e 67 escanos. En terceiro lugar, unha nova formación, escindida do ANC, o Congreso do Pobo (COPE), liderada por Mosiuoa Lekota, obtivo o 7.42% e 30 escanos no seu primeiro desafío electoral. Polo contrario, o Partido da Liberdade Inkatha (IFP) experimentou unha devastadora caída, logo de ter ostentado durante década e media o terceiro lugar en todas as eleccións celebradas até entón, pois foi desprazado ao cuarto posto con menos dun millón de votos e só un 4.55% do escrutinio e 18 escanos. Con este resultado, Zuma foi investido como Presidente de Suráfrica pola Asemblea Nacional o 6 de maio con 277 deputados votando por el e 47 por Mvume Dandala, de COPE, mentres que gran parte dos partidos opositores, incluíndo DA, decidiron absterse.

No plano provincial, Alianza Democrática tomou o control da lexislatura de Cabo Occidental, coa súa líder Helen Zille, sendo elixida premier da provincia. Foi a primeira vez despois de sete anos que o ANC perdía unha elección en calquera das provincias. O oficialismo mantivo, con todo, o control sobre o resto das lexislaturas provinciais.

O Tribunal Superior de Gauteng do Norte ditaminou o 9 de febreiro de 2009 que os cidadáns surafricanos que viven no estranxeiro deberían poder votar nas eleccións. A sentenza foi confirmada polo Tribunal Constitucional o 12 de marzo de 2009, cando decidiu que os votantes estranxeiros que xa estaban rexistrados poderían votar. Ademais, aos votantes rexistrados que se encontraron fóra dos seus distritos de votación o día das eleccións permitíuselles votar a favor da votación nacional en calquera mesa de votación en Suráfrica. Nas seguintes eleccións, finalmente incorporaríase o voto postal.

Principais partidos políticos

Oficialismo: ANC

O Congreso Nacional Africano (ANC), fundado en 1912, accedeu ao poder como consecuencia da fin do réxime do apartheid. Desde a súa contundente vitoria nas primeiras eleccións libres do país, en 1994, o ANC gozou dunha ampla maioría absoluta no Parlamento. No 2004 a súa dominación acadou o seu máximo apoxeo cando obtivo máis dos dous terzos dos escanos, que autorizaba ao partido a modificar a constitución unilateralmente. O presidente Thabo Mbeki, reelixido nestes comicios, entregou a dirección do partido a Jacob Zuma o 18 de decembro de 2007. Despois, en 2008 o xuízo de corrupción en curso de Zuma en relación cun acordo multimillonario de armas Rand foi desestimado polos tribunais, que insinuaron que Mbeki influíra indebidamente na investigación de Zuma. Á luz dos feitos achados polo tribunal, o Comité Executivo Nacional do ANC solicitoulle a Mbeki que renunciara como presidente do país, o que fixo efectivamente o 20 de setembro de 2008, converténdose no primeiro presidente da era posterior do apartheid en non rematar o seu mandato constitucional, e o primeiro mandatario surafricano en renunciar desde 1989.

Mbeki foi substituído por Kgalema Motlanthe, que fora elixido como vicepresidente do ANC na conferencia de 2007. Motlanthe non era o candidato presidencial do ANC para as eleccións xerais de 2009, senón o presidente do ANC, Jacob Zuma. A lista electoral do ANC foi encabezada por Zuma, seguido por Motlanthe; o vicepresidente de Suráfrica Baleka Mbete; o Ministro de Finanzas Trevor Manuel; e Winnie Mandela, exesposa de Nelson Mandela. O retiro de Mbeki, entre outras cousas, creou tensións severas e divisións dentro do partido, e eventualmente conduciu á formación do Congreso do Pobo (COPE), un novo partido político formado por antigos membros do ANC. Con todo, as enquisas daban ao ANC un indiscutido primeiro lugar, con entre o 60 e o 70% dos votos, e incluso na súa estimación máis baixa, que era do 47%, seguía sendo o partido máis votado.

Oposición oficial: DA

En maio de 2007, a exalcaldesa de Cidade do Cabo Helen Zille derrotou a Tony Leon nas eleccións internas do partido, converténdose na súa nova presidenta. Dada a situación de Suráfrica como un goberno de partido dominante, a DA manifestou un enfoque desproporcionado na provincia de Cabo Occidental desde o comezo da súa campaña, pois o partido identificara a provincia como "ganable". O 14 de febreiro de 2009 lanzou o seu manifesto, baixo o lema de campaña "Vote to Win" (en galego: Vota para ganar). Varios analistas suxeriron que DA tomaría exitosamente o control de Cabo Occidental. Mentres que as enquisas mostraban a diminución de apoio do ANC tras a escisión de COPE, a DA gañou algunhas eleccións parciais celebradas poico antes dos comicios. Non obstante esperábase que DA obtivera maioría simple, e non a maioría absoluta que acabou conseguindo. O partido anunciou que a súa proxección sería ganar en Cabo Occidental, obter municipios importantes nas eleccións locais de 2011, e deste xeito asegurar o partido a nivel nacional.

As relaciones entre DA e o partido separado do ANC, COPE, comezaron sendo amigables. O seu líder, Mosiuoa Lekota, manifestou a súa vontade de cooperar con Zille no futuro. Mais posteriormente, Zille criticou a estrutura interna de COPE, afirmando que moitos dos seus novos membros eran partidarios de Mbeki que buscaban resucitar as súas carreiras políticas defuntas.

Nas últimas etapas previas á elección, DA lanzou unha nova campaña "Stop Zuma", a cal foi obxecto de numerosas críticas por parte de analistas políticos, que a describiron como unha "campaña negativa". Zille replicou ante estas críticas que "negativo é entregarlle a Zuma e a s súa cerrada rede de amigos o dereito a cambiar unilateralmente a constitución", xa que segundo ela abusarían dese dereito tanto para enriquecerse como para protexerse a si mesmos de calquera repercusión legal. Máis tarde declarou que o crecemento de votos do seu partido e a perda de escanos do ANC debeuse en grande medida á campaña "Stop Zuma".

Campaña

A campaña da oposición centrouse case enteiramente en combater a crecente corrupción política. O ANC recibiu fortes críticas por cargos de corrupción contra Zuma, quen fora acusado de aceptar subornos dunha compañía de armas francesa. Os fiscais estatais retiraron os cargos en abril, dúas semanas antes das eleccións. Tanto DA como COPE declararon que lograrían restablecer as causas xudiciais contra Zuma se algún dos dous gañaba as eleccións. DA comprometeuse a executar un goberno "limpo". Acusou a Zuma de ter "intimidado" os fiscais do Estado para que retiraran os cargos de corrupción e presentou unha demanda legal contra a decisión. Prometeu crear máis empregos, proporcionar unha mellor educación e enfrontar o crime organizado. Lekota, o líder de COPE, afirmou que o ANC traizoara o "soño dos líderes da loita contra o apartheid". O COPE prometeu loitar contra o crime mediante a introdución dunha política de "tres strikes", segundo a cal os delincuentes profesionais serían encarcerados a perpetuidade por delitos reiterados de violación, roubo ou asasinato. Aínda que se informou que COPE tivo problemas para levar a cabo unha campaña electoral efectiva, a súa aparición foi vista desde o momento da súa creación como un cambio no panorama político do país.

A presidenta de DA, Helen Zille exhortou aos votantes a pór fin ao dominio hexemónico do ANC sobre a política surafricana, afirmando que, se non existía un contrapeso coherente para o oficialismo, Suráfrica corría o risco de converterse nun "estado falido e unipartidista". Zille estableceu varias comparacións entre o ANC e ZANU-PF, partido gobernante en Cimbabue desde 1980, declarando que o partido gobernamental, baixo o liderado de Zuma, estaba sendo sometido a unha "zanuficación". O candidato presidencial de COPE, Mvume Dandala, reafirmou esta teoría, declarando que os líderes africanos que permaneceron moito tempo no seu cargo "convertéranse virtualmente en ditadores". O IFP afirmou que apoiaría calquera medida para loitar contra a corrupción.

O ANC fixo campaña citando o desenvolvemento económico durante o seu longo mandato e o apoio aos pobres en forma de vivenda, auga e electricidade. Zuma prometeu mellorar a educación a fin de reducir a alta taxa de analfabetismo. O partido publicou un anuncio de televisión por primeira vez, mostrando a imaxe do seu antigo líder, o expresidente Nelson Mandela, sendo liberado da prisión en 1989. Mandela fixo unha aparición excepcional nunha concentración de ANC e restaurou en grande medida o apoio popular ao partido. Durante dita concentración, Mandela rexeitou a teoría da "zanuficación" do seu partido, e declarou: "non hai nada na constitución que diga que unha maioría masiva para o partido gobernante é mala para a democracia, especialmente un partido que ten un historial tan longo de defensa das garantías constitucionais como o ANC!".

Boicot electoral

Varias comunidades, organizacións, movementos sociais e personalidades coñecidas ameazaron con non votar nas eleccións de 2009. A personalidade máis coñecida foi o Arcebispo Desmond Tutu, quen ao principio dixo que non votaría, pero logo cambiou de opinión. A Alianza de Pobres de Suráfrica, o Foro Anti Privatización, NOPE e o sindicato de traballadores agrícolas independentes Sikhula Sonke resolveron boicotear as eleccións baixo o lema "Non hai terra! Non hai casa! Non hai voto!".

Resultados

O ANC obtivo a súa cuarta maioría absoluta consecutiva co 65.90% dos votos. DA conservou a súa posición como a oposición oficial e ademais obtivo a vitoria en Cabo Occidental con máis do 50% dos votos e con Zille sendo elixida premier da provincia por maioría absoluta. Aínda que a participación foi do 77.30% dos votantes rexistrados, un lixeiro crecemento con respecto a 2004, a campaña pedindo o boicot tivo un éxito parcial, pois houbo doce millóns de surafricanos con dereito a voto que ou non se rexistraron para votar (7 millóns) ou se rexistraron pero non votaron (5.4 millóns).

A Comisión Electoral Independente fixo dispoñibles os resultados que se recibiron dos distritos electorais, filtrados polo distrito nacional, provincial, municipal e de votación, no seu sitio web.

Parlamento

Asemblea Nacional

Partido		Votos	%	+/-	Escanos	+/-
	Congreso Nacional Africano (ANC)	11.650.748	65,90 %	3.80	264 / 400	15
	Alianza Democrática (DA)	2.945.829	16,66 %	4.29	67 / 400	17
	Congreso do Pobo (COPE)	1.311.027	7,42 %	Novo	30 / 400	Novo
	Partido da Liberdade Inkatha (IFP)	804.260	4,55 %	2.42	18 / 400	10
	Demócratas Independentes (ID)	162.915	0,92 %	0.81	4 / 400	3
	Movemento Democrático Unido (UDM)	149.680	0,85 %	1.43	4 / 400	5
	Fronte da Liberdade (FF+)	146.796	0,83 %	0.06	4 / 400
	Partido Demócrata Cristián Africano (ACDP)	142.658	0,81 %	0.80	3 / 400	4
	Partido Demócrata Cristián Unido (UCDP)	66.086	0,37 %	0.38	2 / 400	1
	Congreso Panafricanista de Azania (PAC)	48.530	0,27 %	0.45	1 / 400	2
	Fronte Minoritaria (MF)	43.474	0,25 %	0.11	1 / 400	1
	Organización do Pobo de Azania (APO)	38.245	0,22 %	0.03	1 / 400
	Convención do Pobo Africano (APC)	35.867	0,20 %	Novo	1 / 400	1
	Partido do Movemento Democrático (MDP)	29.747	0,17 %	Novo	0 / 400	Novo
	Al Jama-ah (AJ)	25.947	0,15 %	Novo	0 / 400	Novo
	Alianza Demócrata Cristiá (CDA)	11.638	0,07 %	0.13	0 / 400
	Convención Nacional Demócrata (NADECO)	10.830	0,06 %	Novo	0 / 400	Novo
	Partido da Nova Visión (NVP)	9.296	0,05 %	Novo	0 / 400	Novo
	Fronte Independente Unida (UIF)	8.872	0,05 %	Novo	0 / 400	Novo
	Gran Kongreso de Suráfrica (GKSA)	8.271	0,05 %	Novo	0 / 400	Novo
	Congreso Democrático Surafricano (SDC)	6.035	0,03 %	Novo	0 / 400	Novo
	Partido Manteno Recto e Simple (KISS)	5.440	0,03 %	0.01	0 / 400
	Movemento Panafricanista (PM)	3.815	0,03 %	0.03	0 / 400
	Alianza de Demócratas Libres (AFD)	5.178	0,03 %	Novo	0 / 400	Novo
	Mulleres Adiante (WF)	5.087	0,03 %	Novo	0 / 400	Novo
	Partido Nacional de Suráfrica (NPSA)	3.378	0,02 %	Novo	0 / 400	Novo
	Un Partido (AP)	2.847	0,02 %	Novo	0 / 400	Novo
Votos válidos		17.680.729	98,66 %
Votos en branco/nulos		239.237	1,34 %
Votos en total		17.919.966	100,00 %
Votantes rexistrados/participación		23.181.997	77,30 %

Consello Nacional das Provincias

O Consello Nacional das Provincias (NCOP) consta de 90 membros, dez nomeados por cada lexislatura provincial, en proporción á membresía do partido da lexislatura provincial. Cada delegación provincial consta de seis delegados permanentes, que son nomeados por un período que dura até que se elixe unha nova lexislatura provincial, e catro delegados especiais. Un dos delegados especiais é o premier da provincia ou outro membro da lexislatura provincial designada polo premier, mentres que os outros tres delegados especiais son designados ad hoc pola lexislatura provincial.

Partidos		Provincia									Total
		Cabo Oriental	Estado Libre	Gauteng	KwaZulu-Natal	Limpopo	Mpumalanga	Noroeste	Cabo do Norte	Cabo Occidental
	Congreso Nacional Africano (ANC)	4 / 6	4 / 6	4 / 6	4 / 6	5 / 6	5 / 6	4 / 6	3 / 6	2 / 6	35 / 54	62 / 90
		3 / 4	3 / 4	3 / 4	3 / 4	4 / 4	4 / 4	3 / 4	3 / 4	1 / 4	27 / 36
	Alianza Democrática (DA)	1 / 6	1 / 6	1 / 6	1 / 6	1 / 6	1 / 6	1 / 6	1 / 6	3 / 6	10 / 54	13 / 90
		0 / 4	0 / 4	1 / 4	0 / 4	0 / 4	0 / 4	0 / 4	0 / 4	2 / 4	3 / 36
	Congreso do Pobo (COPE)	1 / 6	1 / 6	1 / 6	0 / 6	1 / 6	0 / 6	1 / 6	1 / 6	1 / 6	7 / 54	8 / 90
		0 / 4	0 / 4	0 / 4	0 / 4	0 / 4	0 / 4	0 / 4	1 / 4	0 / 4	1 / 36
	Demócratas Independentes (ID)	0 / 6	0 / 6	0 / 6	0 / 6	0 / 6	0 / 6	0 / 6	1 / 6	0 / 6	1 / 54	2 / 90
		0 / 4	0 / 4	0 / 4	0 / 4	0 / 4	0 / 4	0 / 4	0 / 4	1 / 4	1 / 36
	Partido da Liberdade Ikantha (IFP)	0 / 6	0 / 6	0 / 6	1 / 6	0 / 6	0 / 6	0 / 6	0 / 6	0 / 6	1 / 54	2 / 90
		0 / 4	0 / 4	0 / 4	1 / 4	0 / 4	0 / 4	0 / 4	0 / 4	0 / 4	1 / 36
	Fronte da Liberdade (FF+)	0 / 4	1 / 4	0 / 4	0 / 4	0 / 4	0 / 4	0 / 4	0 / 4	0 / 4	1 / 36	1 / 90
	Partido Demócrata Cristián Unido (UCDP)	0 / 4	0 / 4	0 / 4	0 / 4	0 / 4	0 / 4	1 / 4	0 / 4	0 / 4	1 / 36	1 / 90
	Movemento Democrático Unido (UDM)	1 / 6	0 / 6	0 / 6	0 / 6	0 / 6	0 / 6	0 / 6	0 / 6	0 / 6	1 / 54	1 / 90

Lexislaturas provinciais

Provincia	Resultado
Cabo Oriental	Partido		Votos	%	+/−	Escanos	+/−	Mapas/Diagramas
		Congreso Nacional Africano (ANC)	1.552.676	68,82 %	10.45	44 / 63	7
		Congreso do Pobo (COPE)	308.439	13,67 %	Novo	9 / 63	Novo
		Alianza Democrática (DA)	225.310	9,99 %	2.65	6 / 63	1
		Movemento Democrático Unido (UDM)	93.196	4,13 %	5.10	3 / 63	3
		Congreso Independente Africano (AIC)	17.306	0,77 %	Novo	1 / 63	Novo
		Congreso Panafricanista de Azania (PAC)	12.108	0,54 %	0.46	0 / 63	1
		Partido Demócrata Cristián Africano (ACDP)	11.974	0,53 %	0.25	0 / 63
		Demócratas Independentes (ID)	10.466	0,46 %	0.31	0 / 63
		Organización do Pobo de Azania (APO)	4.598	0,21 %	0.03	0 / 63		Partido máis votado por barrio:      ANC      DA      UDM      COPE      ID      Empate entre dous ou máis partidos
		Convención do Pobo Africano (APC)	4.517	0,20 %	Novo	0 / 63	Novo
		Fronte da Liberdade (FF+)	4.428	0,20 %	0.06	0 / 63
		Partido da Liberdade Inkatha (IFP)	2.270	0,10 %	0.10	0 / 63
		Convención Nacional Demócrata (NADECO)	2.027	0,09 %	Novo	0 / 63	Novo
		Movemento Panafricanista (PM)	1.921	0,09 %	Novo	0 / 63	Novo
		Partido Demócrata Cristián Unido (UCDP)	1.908	0,08 %	0.04	0 / 63
		Alianza Demócrata Cristiá (CDA)	1.663	0,07 %	0.07	0 / 63
		Partido da Nova Visión (NVP)	1.281	0,06 %	Novo	0 / 63	Novo
	Votos válidos		2.256.088	98,59 %
	Votos en branco/anulados		32.299	1,41 %
	Votos en total		2.288.387	100,00 %
	Votantes rexistrados/participación		3.056.559	74,87 %
Estado Libre	Partido		Votos	%	+/−	Escanos	+/−	Mapas/Diagramas
		Congreso Nacional Africano (ANC)	734.688	71,10 %	10.68	22 / 30	3
		Congreso do Pobo (COPE)	120.018	11,61 %	Novo	4 / 30	Novo
		Alianza Democrática (DA)	119.844	11,60 %	3.12	3 / 30
		Fronte da Liberdade (FF+)	20.780	2,01 %	0.45	1 / 30
		Partido Dikwankwetla de Suráfrica (DPSA)	11.257	1,09 %	0.12	0 / 30
		Partido Demócrata Cristián Africano (ACDP)	7.556	0,73 %	0.57	0 / 30	1
		Movemento Democrático Unido (UDM)	3.722	0,36 %	0.52	0 / 30
		Partido Demócrata Cristián Unido (UCDP)	3.459	0,33 %	0.44	0 / 30
		Congreso Panafricanista de Azania (PAC)	3.449	0,33 %	0.85	0 / 30
		Convención do Pobo Africano (APC)	3.200	0,31 %	Novo	0 / 30	Novo
		Partido da Liberdade Inkatha (IFP)	2.232	0,22 %	0.14	0 / 30		Partido máis votado por barrio:      ANC      DA      COPE      FF+
		Demócratas Independentes (ID)	1.654	0,16 %	0.36	0 / 30
		Convención Nacional Demócrata (NADECO)	1.065	0,10 %	Novo	0 / 30	Novo
		Congreso de Paz e Xustiza (PJC)	398	0,04 %	Novo	0 / 30	Novo
	Votos válidos		1.033.322	98,50 %
	Votos en branco/anulados		15.744	1,50 %
	Votos en total		1.049.066	100,00 %
	Votantes rexistrados/participación		1.388.588	75,55 %
Gauteng	Partido		Votos	%	+/−	Escanos	+/−	Mapas/Diagramas
		Congreso Nacional Africano (ANC)	2.662.013	64,04 %	4.36	47 / 73	4
		Alianza Democrática (DA)	908.616	21,86 %	1.08	16 / 73	1
		Congreso do Pobo (COPE)	323.327	7,78 %	Novo	6 / 73	Novo
		Fronte da Liberdade (FF+)	67.660	1,63 %	0.29	1 / 73
		Partido da Liberdade Inkatha (IFP)	61.856	1,49 %	1.02	1 / 73
		Partido Demócrata Cristián Africano (ACDP)	36.099	0,87 %	0.77	1 / 73
		Demócratas Independentes (ID)	25.243	0,61 %	0.92	1 / 73
		Movemento Democrático Unido (UDM)	16.480	0,40 %	0.59	0 / 73	1
		Congreso Panafricanista de Azania (PAC)	12.880	0,31 %	0.54	0 / 73	1
		Partido Demócrata Cristián Unido (UCDP)	1.908	0,24 %	0.02	0 / 73
		Organización do Pobo de Azania (APO)	8.927	0,21 %	0.04	0 / 73
		Partido do Movemento Democrático (DMP)	5.731	0,14 %	Novo	0 / 73	Novo
		Convención do Pobo Africano (APC)	5.123	0,12 %	Novo	0 / 73	Novo	Partido máis votado por barrio:      ANC      DA      IFP      COPE      FF+
		Alianza Demócrata Cristiá (CDA)	2.901	0,07 %	0.16	0 / 73
		Alianza Cristiá Africana (ACA)	2.541	0,06 %	Novo	0 / 73	Novo
		Mulleres Adiante (WF)	1.974	0,05 %	Novo	0 / 73	Novo
		Gran Kongreso de Suráfrica (GKSA)	1.909	0,05 %	Novo	0 / 73	Novo
		Convención Nacional Demócrata (NADECO)	1.497	0,04 %	Novo	0 / 73	Novo
		Alianza de Demócratas Libres (AFD)	1.101	0,03 %	Novo	0 / 73	Novo
		Partido da Nova Visión (NVP)	1.079	0,03 %	Novo	0 / 73	Novo
	Votos válidos		4.157.048	98,98 %
	Votos en branco/anulados		42.815	1,02 %
	Votos en total		4.199.863	100,00 %
	Votantes rexistrados/participación		5.555.159	75,60 %
KwaZulu-Natal	Partido		Votos	%	+/−	Escanos	+/−	Mapas/Diagramas
		Congreso Nacional Africano (ANC)	2.192.516	62,95 %	15.97	51 / 80	13
		Partido da Liberdade Inkatha (IFP)	780.027	22,40 %	14.42	18 / 80	12
		Alianza Democrática (DA)	318.559	9,15 %	0.80	7 / 80
		Fronte Minoritaria (MF)	71.507	2,05 %	0.56	2 / 80
		Congreso do Pobo (COPE)	44.890	1,29 %	Novo	1 / 80	Novo
		Partido Demócrata Cristián Africano (ACDP)	23.537	0,68 %	1.11	1 / 80	1
		Movemento Democrático Unido (UDM)	7.953	0,23 %	0.52	0 / 80	1
		Al Jama-ah (AJ)	7.612	0,22 %	Novo	0 / 80	Novo
		Convención Nacional Demócrata (NADECO)	6.881	0,20 %	Novo	0 / 80	Novo
		Demócratas Independentes (ID)	6.853	0,20 %	0.30	0 / 80
		Fronte da Liberdade (FF+)	5.760	0,17 %	0.12	0 / 80
		Convención do Pobo Africano (APC)	5.087	0,15 %	Novo	0 / 80	Novo
		Congreso Democrático Surafricano (SADC)	3.883	0,11 %	Novo	0 / 80	Novo
		Congreso Panafricanista de Azania (PAC)	2.578	0,07 %	0.11	0 / 80		Partido máis votado por barrio:      ANC      IFP      DA      MF      ACDP      APC      Empate
		Mulleres Adiante (WF)	1.816	0,05 %	Novo	0 / 80	Novo
		Partido Demócrata Cristián Unido (UCDP)	1.798	0,05 %	0.09	0 / 80
		Gran Kongreso de Suráfrica (GKSA)	1.730	0,05 %	Novo	0 / 80	Novo
	Votos válidos		3.482.987	98,76 %
	Votos en branco/anulados		43.713	1,24 %
	Votos en total		3.526.700	100,00 %
	Votantes rexistrados/participación		4.475.217	78,81 %
Limpopo	Partido		Votos	%	+/−	Escanos	+/−	Mapas/Diagramas
		Congreso Nacional Africano (ANC)	1.265.631	84,88 %	4.30	43 / 49	2
		Congreso do Pobo (COPE)	112.325	7,53 %	Novo	4 / 49	Novo
		Alianza Democrática (DA)	51.856	3,48 %	0.11	2 / 49
		Partido Demócrata Cristián Africano (ACDP)	10.246	0,69 %	0.58	0 / 49	1
		Fronte da Liberdade (FF+)	9.035	0,61 %	0.01	0 / 49
		Congreso Panafricanista de Azania (PAC)	7.934	0,53 %	0.41	0 / 49	1
		Partido da Nova Visión (NVP)	6.497	0,44 %	Novo	0 / 49	Novo
		Organización do Pobo de Azania (APO)	5.640	0,38 %	0.13	0 / 49
		Movemento Democrático Unido (UDM)	5.193	0,35 %	1.37	0 / 49	1	Partido máis votado por barrio:      ANC      DA      NVP      Empate
		Convención do Pobo Africano (APC)	4.455	0,30 %	Novo	0 / 49	Novo
		Partido Ximoko	3.452	0,23 %	0.36	0 / 49
		Fronte Independente Unida (UIF)	1.769	0,12 %	Novo	0 / 49	Novo
		Partido da Conciencia Negra (BCP)	1.432	0,10 %	Novo	0 / 49	Novo
		Demócratas Independentes (ID)	1.333	0,09 %	0.08	0 / 49
		Partido Demócrata Cristián Unido (UCDP)	1.320	0,09 %	0.13	0 / 49
		Alianza de Demócratas Libres (AFD)	1.041	0,07 %	Novo	0 / 49	Novo
		Mulleres Adiante (WF)	977	0,07 %	Novo	0 / 49	Novo
		Partido da Liberdade Inkatha (IFP)	936	0,06 %	0.06	0 / 49
	Votos válidos		1.491.072	98,51 %
	Votos en branco/anulados		22.549	1,49 %
	Votos en total		1.513.621	100,00 %
	Votantes rexistrados/participación		2.256.073	67,09 %
Mpumalanga	Partido		Votos	%	+/−	Escanos	+/−	Mapas/Diagramas
		Congreso Nacional Africano (ANC)	1.110.190	85,55 %	0.76	27 / 30
		Alianza Democrática (DA)	97.204	7,49 %	0.55	2 / 30
		Congreso do Pobo (COPE)	37.789	2,91 %	Novo	1 / 30	Novo
		Fronte da Liberdade (FF+)	11.590	0,89 %	0.34	0 / 30	1
		Partido Demócrata Cristián Africano (ACDP)	6.565	0,51 %	0.51	0 / 30
		Partido da Liberdade Inkatha (IFP)	6.540	0,50 %	0.45	0 / 30
		Partido Progresista Sindawonye (SPP)	6.423	0,49 %	0.04	0 / 30
		Convención do Pobo Africano (APC)	4.834	0,37 %	Novo	0 / 30	Novo
		Congreso Panafricanista de Azania (PAC)	4.097	0,32 %	0.37	0 / 30
		Movemento Democrático Unido (UDM)	3.366	0,26 %	0.74	0 / 30
		Organización do Pobo de Azania (APO)	2.928	0,23 %	0.04	0 / 30
		Partido Cristián (CP)	2.435	0,19 %	Novo	0 / 30	Novo
		Demócratas Independentes (ID)	1.527	0,12 %	0.19	0 / 30		Partido máis votado por barrio:      ANC      DA      IFP      SPP
		Convención Nacional Demócrata (NADECO)	1.374	0,11 %	Novo	0 / 30	Novo
		Partido Demócrata Cristián Unido (UCDP)	913	0,07 %	0.10	0 / 30
	Votos válidos		1.297.775	98,55 %
	Votos en branco/anulados		19.119	1,45 %
	Votos en total		1.316.894	100,00 %
	Votantes rexistrados/participación		1.696.705	77,61 %
Noroeste	Partido		Votos	%	+/−	Escanos	+/−	Mapas/Diagramas
		Congreso Nacional Africano (ANC)	783.794	72,89 %	7.82	25 / 33	2
		Congreso do Pobo (COPE)	89.573	8,33 %	Novo	3 / 33	Novo
		Alianza Democrática (DA)	88.728	8,25 %	3.25	3 / 33	1
		Partido Demócrata Cristián Unido (UCDP)	56.678	5,27 %	3.22	2 / 33	1
		Fronte da Liberdade (FF+)	19.463	1,81 %	0.49	0 / 33	1
		Partido Demócrata Cristián Africano (ACDP)	7-366	0,69 %	0.48	0 / 33
		Movemento Democrático Unido (UDM)	5.467	0,51 %	0.46	0 / 33
		Demócratas Independentes (ID)	4.984	0,46 %	0.02	0 / 33
		Partido do Movemento Democrático (MDP)	4.432	0,41 %	Novo	0 / 33	Novo	Partido máis votado por barrio:      ANC      DA      UCDP      COPE      ID      Empate
		Convención do Pobo Africano (APC)	3.116	0,29 %	Novo	0 / 33	Novo
		Congreso Panafricanista de Azania (PAC)	2.831	0,26 %	0.58	0 / 33
		Organización do Pobo de Azania (APO)	2.712	0,25 %	0.03	0 / 33
		Partido Político Surafricano (SPP)	1.822	0,17 %	Novo	0 / 33	Novo
		Alianza Cristiá Africana (ACA)	1.750	0,16 %	Novo	0 / 33	Novo
		Partido da Liberdade Inkatha (IFP)	1.619	0,15 %	0.10	0 / 33
		Convención Nacional Demócrata (NADECO)	978	0,09 %	Novo	0 / 33	Novo
	Votos válidos		1.075.323	98,08 %
	Votos en branco/anulados		21.007	1,92 %
	Votos en total		1.096.330	100,00 %
	Votantes rexistrados/participación		1.564.357	70,08 %
Cabo do Norte	Partido		Votos	%	+/−	Escanos	+/−	Mapas/Diagramas
		Congreso Nacional Africano (ANC)	245.699	60,75 %	8.08	19 / 30	2
		Congreso do Pobo (COPE)	67.416	16,67 %	Novo	5 / 30	Novo
		Alianza Democrática (DA)	50.817	12,57 %	1.49	4 / 30	1
		Demócratas Independentes (ID)	19.995	4,94 %	2.11	2 / 30
		Fronte da Liberdade (FF+)	5.034	1,24 %	0.31	0 / 30
		Partido Demócrata Cristián Unido (UCDP)	4.889	1,21 %	0.88	0 / 30
		Partido Demócrata Cristián Africano (ACDP)	4.041	1,00 %	0.88	0 / 30
		Organización do Pobo de Azania (APO)	2.439	0,60 %	0.09	0 / 30
		Convención do Pobo Africano (APC)	1.364	0,34 %	Novo	0 / 30	Novo
		Congreso Panafricanista de Azania (PAC)	882	0,22 %	0.22	0 / 30
		Partido da Liberdade Inkatha (IFP)	757	0,19 %	0.05	0 / 30
		Movemento Democrático Unido (UDM)	604	0,15 %	0.30	0 / 30		Partido máis votado por barrio:      ANC      DA      COPE      ID      FF+      Empate
		Alianza Demócrata Cristiá (CDA)	481	0,12 %	Novo	0 / 30	Novo
	Votos válidos		414.502	98,44 %
	Votos en branco/anulados		6.988	1,66 %
	Votos en total		421.490	100,00 %
	Votantes rexistrados/participación		554.900	75,96 %
Cabo Occidental	Partido		Votos	%	+/−	Escanos	+/−	Mapas/Diagramas
		Alianza Democrática (DA)	1.012.568	51,46 %	24.35	22 / 42	10
		Congreso Nacional Africano (ANC)	620.918	31,55 %	13.70	14 / 42	5
		Congreso do Pobo (COPE)	152.356	7,74 %	Novo	3 / 42	Novo
		Demócratas Independentes (ID)	92.116	4,68 %	3.16	2 / 42	1
		Partido Demócrata Cristián Africano (ACDP)	28.995	1,47 %	1.97	1 / 42	1
		Movemento Democrático Unido (UDM)	14.013	0,74 %	1.04	0 / 42
		Al Jama-ah (AJ)	9.039	0,46 %	Novo	0 / 42	Novo
		Fronte da Liberdade (FF+)	8.384	0,43 %	0.19	0 / 42
		Congreso Panafricanista de Azania (PAC)	4.467	0,23 %	0.19	0 / 42
		Partido Musulmán de África (AMP)	4.333	0,22 %	0.48	0 / 42
		Alianza Demócrata Cristiá (CDA)	3.987	0,20 %	0.47	0 / 42		Partido máis votado por barrio:      DA      ANC      ID      COPE      Empate
		Partido Nacional de Suráfrica (SANP)	3.378	0,17 %	Novo	0 / 42	Novo
		Partido do Cabo (CP)	2.552	0,13 %	Novo	0 / 42	Novo
		Alianza Nacional (NA)	1.996	0,10 %	Novo	0 / 42	Novo
		Convención do Pobo Africano (APC)	1.778	0,09 %	Novo	0 / 42	Novo
		Partido Demócrata Cristián Unido (UCDP)	1.552	0,08 %	0.15	0 / 42
		Organización do Pobo de Azania (APO)	1.291	0,07 %	0.03	0 / 42
		Fronte Independente Unida (UIF)	1.178	0,06 %	Novo	0 / 42	Novo
		Partido da Liberdade Inkatha (IFP)	1.158	0,06 %	0.08	0 / 42	10
		Congreso de Paz e Xustiza (PJC)	630	0,03 %	Novo	0 / 42	Novo
		Partido Universal (UP)	599	0,03 %	0.02	0 / 42
		Convención Nacional Demócrata (NADECO)	463	0,02 %	Novo	0 / 42	Novo
	Votos válidos		1.967.751	98,99 %
	Votos en branco/anulados		20.026	1,01 %
	Votos en total		1.987.777	100,00 %
	Votantes rexistrados/participación		2.634.439	75,45 %

Investidura presidencial

Candidato		Partido		Votos	%
	Jacob Zuma		Congreso Nacional Africano (ANC)	277 / 400	85,49 %
	Mvume Dandala		Congreso do Pobo (COPE)	47 / 400	14,51 %
Abstención, Ausente				76 / 400

Consecuencias

O ANC recibiu amplas felicitacións pola súa decisiva vitoria nacional, tanto de fontes internacionais como nacionais. Isto incluía a oposición, coa líder de DA, Helen Zille recoñecendo que a xente lle dera un forte mandato para gobernar. "Confiamos en que o ANC non abuse desta confianza e goberne ben e en interese de todos os surafricanos". Con todo, co 65.9% dos votos e 264 escanos na Asemblea Nacional (con referencia ao 74.3% e 297 escanos que tiña até entón), o ANC xa non tiña a maioría dos dous terzos que necesitaba para cambiar a Constitución unilateralmente. O partido gobernante perdera considerable apoio en oito das nove provincias, parcialmente compensado por un grande aumento en KwaZulu-Natal a expensas do IFP.

Agradecendo o apoio dos seus partidarios a semana seguinte, Helen Zille declarou que DA cumprira cos seus tres obxectivos principais nos comicios: en primeiro lugar, privar o ANC da súa maioría dos dous terzos (aínda que fora só por menos de tres escanos); en segundo lugar, obtivo maioría absoluta en Cabo Occidental; e en terceiro lugar, mellorou significativamente a súa posición parlamentaria. Zille tamén declarou que vía estes comicios como un sinal de que as únicas forzas políticas xenuínas en Suráfrica eran DA e o ANC, e que a maioría dos votantes xa non tiraban o seu voto en partidos "pequenos e insignificantes".